Við veitum samfellda þjónustu á meðgöngu, í fæðingu og sængurlegu.

Fæðing á Fæðingarheimili Reykjavíkur hentar hraustum konum í eðlilegri meðgöngu. Við erum reglulega með opin hús fyrir verðandi foreldra þar sem þið getið fengið upplýsingar um þjónustuna og skoðað aðstöðuna. Ef þið eruð með spurningar þá getið þið smellt hér til að senda ljósmóður tölvupóst.

Við bjóðum upp á námskeið til að undirbúa fæðingu, brjóstagjöf og tímann eftir að barnið ykkar er fætt. Lesa má allt um námskeiðin hér!

Brjóstagjafaráðgjafi veitir konum ráðgjöf þegar upp koma vandamál við brjóstagjöf fyrstu sex mánuðina eftir fæðingu. Boðið er upp á ráðgjöf á Fæðingarheimili Reykjavíkur og heimavitjanir eftir þörfum. Frekari upplýsingar hér!

Ljósmæður Fæðingarheimilis Reykjavíkur bjóða upp á nálastungur á meðgöngu og í fæðingu.

Fæðing barns er stór stund og eðlilegt að nýir foreldrar hafi þörf fyrir að spjalla um fæðinguna og tímann eftir fæðingu. Þetta á oft sérstaklega við þegar plönin hafa breyst eða fæðingin ekki gengið eins og fólk hafði séð fyrir sér áður. Þegar svo er, þá vakna oft margar spurningar um af hverju ákveðnir atburðir áttu sér stað og er flestum mikilvægt að fá svör við þeim spurningum. Sjá upplýsingar hér!

Hittumst í hádeginu er samverustund fyrir fjölskyldur með ung börn - og haldið alla þriðjudaga milli kl. 11.30-13.00.

Þetta er vettvangur fyrir foreldra til að hittast með börnin sín - leyfa þeim að leika sér (eða hvíla sig) á meðan foreldrar spjalla og njóta samveru við aðra foreldra.

Allir foreldrar velkomnir - og kostar ekkert að koma!

Yogaljós býður upp á dásamlega jógatíma fyrir verðandi og nýjar mæður. Markmiðið er að hlúa að andlegri og líkamlegri vellíðan og efla tengingu móður og barns. Góður tími til að byrja í meðgöngujóga er við 14-15 vikur. Frekari upplýsingar má finna á heimasíðu Yogaljós og þar fer einnig fram skráning á námskeið.

Brjóstagjafaráðgjafi veitir konum ráðgjöf þegar upp koma vandamál við brjóstagjöf fyrstu sex mánuðina eftir fæðingu. Boðið er upp á ráðgjöf tvo daga í viku í húsnæði Fæðingarheimilis Reykjavíkur og heimavitjanir eftir þörfum. Frekari upplýsingar hér!

Margrét Unnur er ljósmóðir, jógakennari og nuddari sem veitir fjölbreytta þjónustu svo sem meðgöngunudd, nálastungur, höfuðbeina og spjaldhryggsmeðferð (cranio), nudd og svæðanudd, heilnudd og Bowen meðferð. Frekar upplýsingar má finna hér!

Námskeið fyrir verðandi feður og feður ungra barna (börn í fangi velkomin með á námskeiðið)

Á námskeiðinu er fjallað um hvernig styrkja megi parasambandið og undirbúa sig fyrir stóra hlutverkið sem felur í sér nýja stöðu í lífinu og oft óvænt áhrif af ýmsum toga.

Leiðbeinandi: Ólafur Grétar Gunnarsson, fjölskyldu-og hjónaráðgjafi og Gottman Bringing Baby Home leiðbeinandi (educator)

Upplifun kvenna af breytingaskeiðinu er afar ólík sem og þarfir þeirra. Steinunn leitast við að veita heildræna og einstaklingsmiðaða ráðgjöf og fræðslu. Hvort sem kona kýs að breyta lífsstíl sínum, nota náttúrulyf, óhefðbundar leiðir eða hormónameðferð, er konum veittur stuðningur í að taka upplýsta ákvörðun um úrræði sem þeim finnst sjálfum henta best hverju sinni.

Elísabet býður upp á einstaklings- og fjölskyldumeðferð, parameðferð/hjónabandsmeðferð, áfallameðferð og tengslavanda, ráðgjöf um um samskiptavanda og meðvirkni og fleira. Lesa má um þjónustuna hér!

Allar upplýsingar um leigu á herbergjum og sal má finna hér!